Жаңаөзенде ереуіл ұйымдастыруға әрекеттенген қылмыстық топтың жолы кесілді
АҚТАУ. KAZINFORM – Ұлттық қауіпсіздік комитетінің Маңғыстау облысы бойынша департаменті Ішкі істер органдарымен бірлесіп, Жаңаөзен қаласында ереуіл ұйымдастыруға әрекеттенген қылмыстық топтың әрекетіне тосқауыл қойды.
Ресми мәліметтерге сүйенсек, топ мұнай-газ саласындағы мердігер компаниялардың бірінің басшылығымен сөз байласқан. Олар кәсіпорын жұмысшыларын жаппай наразылық акцияларына шығуға итермелеп, тапсырыс беруші «Өзенмұнайгаз» АҚ-дан қосымша қаржы алуға тырысқан.
Күштік құрылымдардың уақтылы әрі үйлесімді әрекеттерінің арқасында адам өліміне, жаппай тәртіпсіздік пен тонаушылыққа жол берілмей, қылмыстық топ ұсталды.
Бұған дейін, ҰҚК 24 қылмыстық топтың заңсыз әрекетіне тосқауыл қойғаны туралы жаздық.
