Жаңаөзенде пневматикалық қарудан ату жарысы өтті

АҚТАУ. 9 мамыр. ҚазАқпарат - Жаңаөзен қаласының 16 мектебі мен политехникалық колледжінің оқушылары қатысқан пневматикалық қарудан ату жарысын «Отан» қоғамдық бірлестігі ұйымдастырды.  
None
None

Әр топта 3 ұл 2 қыздан болды.

 «Мұндай дәстүрлі жарысты қала жастарының арасында өткізудегі мақсатымыз - жасөспірімдер  бойына азаматтық патриоттық тәрбиені қалыптастыру. Әскер қатарына аттанып, ел алдындағы борыштарын өтеуге дайындау. Өткен жылдың желтоқсан айында қаламыздан жіберілген 3 команда Маңғыстау облысының атынан республикалық сайысқа қатысып, 21 команданың ішінен 1-ші орынды иеленіп келген болатын. Балалардың қырағылы мен шеберлігі жақсы деңгейде» ,- дейді «Отан» қоғамдық бірлестігінің төрағасы Тұрдыбек Салықов.

Үш сағатқа созылған сында командалық есеппен Жаңаөзен қаласының №3 орта мектебінен құралған топ бас жүлдені иемденді. Олар алдағы күндерде Павлодар қаласында өтетін республикалық пневматикалық мылтық ату жарысына қатысып, Жаңаөзен қаласының абыройын қорғамақ.

 Сайыс жеңімпаздарын Ұлы Отан соғысының  ардагерлері марапаттады. 

Соңғы жаңалықтар