Жәнібек Әлімханұлының бокс кешінде тағы кімдер жұдырықтасады

АСТАНА. KAZINFORM — Қазақстандық боксшы, орта салмақтағы WBO және IBF чемпионы Жәнібек Әлімханұлының 5 сәуірдегі бокс кешінде тағы кімдердің жұдырықтасатыны белгілі болды.

Жәнібек Әлімханұлының бокс кешінде тағы кімдер жұдырықтасады
Фото: Күнсұлтан Отарбай/Kazinform

Аталған бокс кешінде бүгінде ұлттық құрама сапында ел намысын қорғап жүрген ағайынды Сабырхандар шаршы алаңда кәсіпқой бокста бақтарын сынап көрмек. Ағайынды боксшылардың қарсыласы әзірге анықталмаған.

Сондай-ақ, осы күні Сұлтан Зауырбек пен Батыр Жүкембаев та бокс кешінің көрігін қыздырады деп жоспарланып отырғаны белгілі болды. 

Сонымен қатар 5 сәуір күні Өзбекстанның екі дүркін Олимпиада чемпионы атанған Баходир Жалолов та осы кеште кәсіпқой бокстағы шеберлігін көрсетпек. 

5 сәуір күнгі елордамызда өтетін ірі кәсіпқой бокс кешінің басты жекпе-жегі қазақстандық Жәнібек Әлімханұлы мен француздық Анауэль Нгамиссенге арасында өтеді.

Бүгін осы жекпе-жек кешіне орай Астанада арнайы баспасөз мәслихаты өтті.

Соңғы жаңалықтар