Жандарбек Бекшин: Алматыда тамыздың ортасында Covid-19 төртінші толқыны шегіне жетуі тиіс

АЛМАТЫ. ҚазАқпарат – Алматы қаласының бас санитарлық дәрігері Жандарбек Бекшин Өңірлік коммуникациялар қызметінің брифингінде мегаполистегі эпидемиологиялық жағдайға қатысты ең нашар болжамның орындалғанын мәлімдеді. Оның айтуынша, COVID-19 төртінші толқыны тамыз айының ортасында шегіне жетіп, қыркүйек айының басында төмендемек, деп хабарлайды ҚазАқпарат.

Ж. Бекшиннің пікірінше, вакциналау пандемияның еауыр жағдайын болдырмауға көмектеседі, оның үстіне Алматыда ағзаны ауыр науқастардан қорғауға қабілетті вакциналар бар.

«Соңғы аптада коронавирустың эпидемиологиялық жағдайы нашарлай түсуде. Өткен аптада, алдыңғымен салыстырғанда, КВИ жағдайларының тіркелуі 1,4 есеге – 5 790 жағдайдан 8 393 жағдайға дейін өсті, тәуліктегі өсім 1,5%. 23 шілдеден бастап КВИ-дің күнделікті тіркелуі 1 мыңнан асты және қазірдің өзінде 1 450-ге жетті. Осы айда Алматыда 20 818 науқас тіркелді, ал жыл басынан бері 76 603 науқас тіркелген», – деді мегаполистің бас санитарлық дәрігері.

Ж. Бекшиннің айтуынша, шілдедегі эпидемиологиялық жағдайдың нақты болжамы 27,5 мың жағдайда нақты расталады, қателік 2 мыңға аз болжанған.

«Алматыда COVID-19 төртінші толқыны тамыз айының ортасында өз шегіне жетіп, қыркүйек айының басында төмендейді деп болжанды. Тамыз айында 34,5 мың жағдай, қыркүйекте 4,5 мың жағдай болады деп болжанып отыр. Жеті күн ішінде «симптомды» науқастардың үлес салмағының артуы 89,4%-дан 90,7%-ға дейін өсті. Бұл COVID-19 қоздырғыштары арасында «дельта» нұсқасының таралуында шегіне жеткенін көрсетеді», – деді Ж.Бекшин.