Жапония парламентінің жоғарғы палатасына сайланған әйелдердің рекордтық саны тіркелді

АСТАНА. KAZINFORM — Жапонияның Кеңесшілер палатасына сайлауда 42 әйел сайланды, бұл 2022 жылы орнатылған 35 орындық бұрынғы рекордты басып озды, деп хабарлайды Kyodo News ақпарат агенттігі. 

Әйелдер 125 орынның 33,6 пайызын алды.

Сайлауға барлығы 152 әйел қатысты, 2022 жылы рекордтық сан 181 әйел болған еді. Жалпы әйелдер саны 29,1%, бұл үкіметтің 2025 жылға арналған төменгі көрсеткіш 35%-дан төмен. 2022 жылы кандидаттар арасындағы әйелдердің үлесі 33,2% болды, бұл тарихтағы ең жоғары көрсеткіш.

Дүниежүзілік экономикалық форумның 2025 жылғы Гендерлік теңсіздік индексінде Жапония саяси құқықтар мен мүмкіндіктерді кеңейтуде төмен нәтиже көрсетіп, 148 елдің ішінде 118-ші орынды иеленді. Маусым айында жарияланған есеп бойынша, тағы үш санат бойынша ілгерілеу бар: экономика, білім беру және денсаулық сақтау. 
152 әйел кандидаттың 102-сі округтер бойынша, тағы 50-і –пропорционалдық жүйе бойынша сайлауға түсті.

Еске сала кетсек, Жапонияның басқарушы коалициясы парламенттің жоғарғы палатасындағы басым көпшілігінен айырылды, бірақ премьер-министр Сигэру Исибаның мәлімдеуінше, ол отставкаға кетуді жоспарлап отырған жоқ.