Жапония премьер-министрі Сигэру Исиба отставкаға кетеді – БАҚ
АСТАНА. KAZINFORM – Жапония премьер-министрі Cигэру Исиба отставкаға кетеді, бұл жайлы ол тамыз айының соңына дейін жариялайды. Бұл туралы Mainichi газеті мәлім етті, деп хабарлайды ТАСС ақпарат агенттігі.
Mainichi газетінің хабарлауынша, Сигэру Исиба өзінің отставкаға кететіні туралы айналасындағыларға айтып қойған.
Жапония премьер-министрі Сигэру Исиба өзі төраға болып табылатын билеуші Либералдық-демократиялық партия (ЛДП) сайлауда жеңіліске ұшырағаннан кейін және тамыз айының соңына қарай отставкаға кетуге ниетті.
Исиба үкіметтің үш бұрынғы басшысы – Ёсихидэ Суга, Фумио Кисида және Таро Асомен кездесулер өткізеді деп жоспарланып отыр, бұл әдеттен тыс болып саналады. Газеттің үкіметтегі дереккөзінің хабарлауынша, премьер-министр «бұрынғы үш премьер-министр алдында басын иеді».
20 шілдеде өткен сайлауда ЛДП мен «Комейто» партиясының басқарушы блогы парламенттің жоғарғы палатасындағы көпшілік орыннан айырылды. Бұл Исиба үшін қатарынан екінші электоралды жеңіліс – өткен күзде басқарушы коалиция парламенттің негізгі төменгі палатасындағы көпшілігінен айырылды. Осыдан кейін жергілікті БАҚ-тың хабарлауынша, ЛДП-дегі көптеген адам Исибаны отставкаға кетуге шақыра бастады.
Kazinform үшін арнайы ТАСС серіктес агенттігі ұсынған.
Еске сала кетсек, Жапонияның басқарушы коалициясы парламенттің жоғарғы палатасындағы басым көпшілігінен айырылды, бірақ премьер-министр Сигэру Исибаның мәлімдеуінше, ол отставкаға кетуді жоспарлап отырған жоқ.
Бұған дейін Дональд Трамп АҚШ-тың Жапониямен сауда келісімін орнатқанын, оған сәйкес жапондық тауарларға 15 пайыздық баж салығы енгізілетінін мәлімдегенін жазған болатынбыз.
