Жапония үкіметі отставкаға кетті

АСТАНА. KAZINFORM — Исибаның министрлер кабинеті биліктегі 386 күннен кейін қызметінен кетті, деп хабарлайды Синхуа.

Жапония премьер-министрі Сигэру Исиба сейсенбі күні кабинетімен отставкаға кетті. Бұл бір жылдан астам уақыт бұрын билікке келген әкімшілік қызметінің аяқталғанын білдіреді.

Кезектен тыс кабинет отырысында бірқатар министр отставкаға кету туралы өтініш берді, артынша С. Исиба кабинеті ресми түрде отставкаға кетті.

Сайлау бастапқыда 2027 жылға жоспарланған болатын, бірақ Исиба либералды-демократиялық партия мүшелері тарапынан жасалған қысым салдарынан отставкаға кету ниетін жариялағаннан кейін сайлау мерзімі өзгертілді.

Исиба 20 шілдеде өткен сайлау нәтижесі үшін жауапкершілікті өз мойнына алатынын мәлімдеді. Онда ЛДП мен Комейто коалициясы парламенттің жоғары палатасындағы көпшілік орынды жоғалтқан еді.

Сигэру Исиба үкіметті өткен жылдың қазан айында басқаруға кірісті.

Жапонияның бұрынғы экономикалық қауіпсіздік министрі Санаэ Такаити билеуші ​​​​Либералды-демократиялық партиясының жаңа төрайымы болып сайланды.