Жапонияда бала туу деңгейі алғаш рет төмендеді

АСТАНА. KAZINFORM — Жапонияда 2024 жылы дүниеге келген балалар саны өткен жылмен салыстырғанда 5,7%-ға азайып, 686 061-ге жетті, деп хабарлайды Kyodo News.

Бұл деректер шетел азаматтарынан туған балаларды қамтымайды.

- Елдегі жиынтық туу коэффициенті — бір әйелдің репродуктивтік кезеңінде дүниеге әкелетін балалардың орташа саны — 2023 жылғы 1,20 көрсеткішінен төмендеп, 2024 жылы рекордтық ең төмен деңгей — 1,15-ке дейін азайды, - деп хабарлады Жапонияның денсаулық сақтау, еңбек және әл-ауқат министрлігі.

Туу саны да, туу коэффициенті де қатарынан тоғыз жыл бойы төмендеп келеді.

Болашақтағы туу көрсеткіштеріне ықпал ететін негізгі факторлардың бірі — неке саны — 2024 жылы екі жылдан бері алғаш рет артып, 485 063-ке жетті. Бұл өткен жылмен салыстырғанда 10 322-ге көп.

Жалпы өлім-жітім саны 1 605 298-ге жетіп, соғыстан кейінгі кезеңдегі ең жоғары көрсеткіш болды. Табиғи халық санының азаюы рекордтық деңгейге жетіп, 919 237 адам болды. Бұл көрсеткіш қатарынан 18 жыл бойы төмендеп келеді.

Жапонияда туу деңгейі 1973 жылдан бері төмендеп келеді. Ол кезде екінші бэби-бум кезінде шамамен 2,09 миллион бала туған болатын. Бұл көрсеткіш 2016 жылы 1 миллионнан, ал 2022 жылы 800 мыңнан төмендеді.

Халық және әлеуметтік қамсыздандыру саласындағы ұлттық зерттеу институты бұған дейін туу саны 2039 жылға дейін 680 мыңға дейін төмендейді деп күтпеген болатын.

Бұған дейін Жапонияда 2024 жылы туғандардың жалпы саны (шетелдіктердің балалары қосылғанда) алдыңғы жылмен салыстырғанда 5%-ға азайғаны хабарланған.

Айта кетелік Жапония интернет жылдамдығы бойынша жаңа әлемдік рекорд орнатты.