Жапонияда жер сілкінді
АСТАНА. KAZINFORM – Жұма күні Жапонияның солтүстік-шығысында 5,8 магнитудалық жер сілкінісі болды, деп хабарлайды Kyodo News ақпарат агенттігі.
Жер сілкінісі Фукусима префектурасында Жапонияның 7 балдық сейсмикалық құбылыстар қарқындылығы шкаласы бойынша 5-ші деңгейден төмен және Мияги, Ибараки және Точиги префектураларының көптеген аудандарында 4-ші деңгейден төмен тіркелді.
Жер сілкінісінің ошағы Фукусима префектурасының жағалауында, шамамен 50 шақырым тереңдікте жатыр.
«Фукусима-1» және «Фукусима-2» АЭС-те жаңа ауытқулар анықталған жоқ, деп хабарлады Жапонияның Ядролық реттеу органы. Станциялар 2011 жылғы жер сілкінісі мен цунамиден зардап шеккеннен бері өшірулі тұр.
Станцияларды басқаратын Tokyo Electric Power Holdings Inc. Компаниясының хабарлауынша, зілзала Фукусима-1 станциясынан тазартылған радиоактивті суды теңізге жіберуді тоқтатуға мәжбүр еткен.
Жер сілкінісі Ибараки префектурасындағы Токай-2 немесе Мияги префектурасындағы Онагава атом электр станциясына айтарлықтай әсер еткен жоқ, деді олардың операторлары.
