Жапонияның ауыл шаруашылығы министрі күріш дауына байланысты отставкаға кетті

АСТАНА. KAZINFORM — Сәрсенбіде Жапонияның Ауыл, орман және балық шаруашылығы министрі Таку Это күрішті өз жақтастарынан көп мөлшерде алуына байланысты оны сатып алмаймын деген мәлімдемесінен кейін сынға ұшыраған соң отставкаға кетті, деп хабарлайды Kyodo News.

Агенттік дереккөздерінің хабарлауынша, министр қызметіне бұрынғы қоршаған ортаны қорғау министрі, 44 жастағы Синдзиро Коидзуми тағайындалады деп жоспарланып отыр.

Этоның отставкасын қабылдаған премьер-министр Исиба Сигэру оны сайлаған адам ретінде өзінің жауапкершілігін мойындап, қоғамның оның сөздеріне наразылық білдіргеніне қарамастан қызметінде қалуына рұқсат берді. Жапония премьер-министрі барлық сынды қабылдайтынын мәлімдеді.

— Мен өзіме күріш бағасының күрт өсуіне тап болып тұрған кезде министрлік басында қалу орынды ма деген сұрақ қойдым. Халықтың алдында әсіресе күріш бағасының күрт өсуіне тап болған уақытта орынсыз мәлімдеме үшін тағы да кешірім сұраймын, — деді Это өтініш бергеннен кейін тілшілерге.

Еске сала кетсек, Жапонияның ауыл шаруашылығы министрі Таку Это өзінің күріш сатып алмайтыны туралы айтқаннан кейін сынға ұшырады. Ол бұл өнімді өз жақтастарынан көп мөлшерде тегін алатынын мәлімдеген.

Министрдің бұл сөзі жексенбі күні өткен қаражат жинау шарасында айтылды. Ол кезде министрлік күріш бағасын тұрақтандыру мақсатында мемлекеттік қордағы күрішті нарыққа шығару туралы шешім қабылдаған болатын.