Жартасқа шығып қызына ұсыныс жасап, қайтадан жерге түсе алмай қалған америкалық құтқарылды (ВИДЕО)
АСТАНА. ҚазАқпарат - Калифорнияның 27 жастағы тұрғыны Майкл Бэнкс Моро жартасына шығып, үстінен сүйікті қызына ұсыныс жасамақ болған. Бастапқыда барлығы жоспарға сай жүрген: жартасқа шығып, видео селфи қолданбасы арқылы сүйіктісімен байланысқа шығады, ол келісімін береді.
Құздан түспек болған жігіттің жағдайы қиындайды. Жартастың орта тұсында жетіп, бір кетікке аяғын тіреп тұрады. Одан әрі түсе алмай қалады.
Кейін ол жерге құтқарушылар келіп, тауда қалып қойған адамды алып түсуге тікұшақ шақыртылады.
Майкл Бэнксті құтқарылды. Бірақ тәртіп сақшылары оған тікұшақты пайдаланғаны үшін ақша төлеуді міндеттеді. Сонымен қатар, қорғалатын жартасқа рұқсатсыз шыққаны үшін айыппұл салды.
Дегенмен оқиға мұнымен бітпеді. Аз уақыт өткен соң оны полиция есірткі пайдаланғаны үшін қамауға алды. Ал оның уәде берген қызы күйеуге шығудан бас тартып жатыр, деп жазады PhoneArena.
