Жас журналистер арасында «Аңсар» республикалық байқауы жарияланды

АСТАНА. ҚазАқпарат - «Инновациялық даму» ҚБ журналистер клубының қамқорлыққа алумен ҚР Білім және ғылым министірлігінің қолдауымен жас жазушылар, журналистика факультетінің студенттері және қазіргі таңда жұмыс атқарып жүрген журналистер арасында «Аңсар» атты республикалық әдеби байқауын жариялайды.

Байқаудың ұйымдастырылу мақсаты - қазіргі қазақ әдебиетін, отандық журналистика және басылымдарды дәріптеу, жастардың шығармашылық мүмкіндіктерін дамыту және қолдау. Журналистикаға, поэзияға қызығушылығы бар, прозалық шығармалар жазатын 14 пен 29 жас аралығындағы жастар қатысуға шақырылатын байқау келесі номинациялар бойынша өткізіледі: «2015 жылдың үздік жас прозашысы», «2015 жылдың үздік жас ақыны», «2015 жылдың үздік жас тележурналисі». Байқау жұмысын қазақ және орыс тілдерінде жазуға болады. Бір автор бірнеше жұмысын жібере алады. Оларды [email protected] электрондық мекенжайына жіберу керек, деп хабарлайды 24.kz.