Жасөспірімдер Азиадасы: Қазақстан құрамасындағы екі дзюдошы алтын медаль алды
АСТАНА. KAZINFORM — Қазақстан құрамасындағы дзюдошылар Еркен Бекәлі мен Фатима Сұпығалиева Манамада (Бахрейн) өтіп жатқан жасөспірімдер Азиадасында алтын медаль жеңіп алды. Бұл туралы Ұлттық олимпиадалық комитет хабарлады.
Дзюдошы Еркен Бекәлі 66 келіге дейінгі салмақтың финалында қарсыласынан басым түсті. Бекәлі шешуші белдесуде Ауғанстан спортшысы Башир Кадириден айласын асырды.
Ал Фатима Сұпығалиева 52 келіге дейінгі салмақта топ жарды. Фатима ақтық сында Милена Боруболотовамен (Қырғызстан) өзара мықтыны анықтады.
Нәтижесінде қазақстандық балуан иппон әдісімен жеңіске жетті.
Бұған дейін Қазақстан құрамасынан бес дзюдошы Азия ойындарының финалына шыққанын жазған болатынбыз.
Әділжан Нұрбекен дзюдодан жасөспірімдер Азиадасында чемпион атанды.
Абдулла Батырбек Азия ойындарында джиу-джитсудан қарсылас шақ келтірмеді.
