«Жастар жалыны - Отанға, жомарт жүрегі - жастарға!» телевизиялық марафон өтеді

АСТАНА. Наурыздың 3-і. ҚазАқпарат /Құралай Жолдыбаева/ - «Нұр Отан» халықтық-демократиялық партиясының «Жас Отан» Жастар қанаты «Қазақстан» телеарнасымен бірігіп, наурыздың 17-сінде жалпықазақстандық телемарафон өткізеді.

Бұл туралы бүгін «Нұр Отан» ХДП Орталық партиясында өткен баспасөз мәслихатында мәлім етілді, деп хабарлайды ҚазАқпарат тілшісі.«Бұл Елбасы, партия Төрағасы Нұрсұлтан Назарбаевтың ағымдағы жылғы ақпанның 12-сінде өткен «Нұр Отан» партиясы Саяси кенесінің кеңейтілген отырысында Студенттерді қолдау қорына каржы жинау үшін берілген тапсырмасына сәйкес қолға алынып отырған шара. Басты мақсат ? ақылы негізде оқып жатқан студенттерді қолдауға қоғамдық ұйымдар мен саяси тұлғалардың, ірі және шағын бизнес субектілері өкілдерінің назарын аудару болып табылады», - деді партияның ресми өкілі Оксана Петерс.