Жасұлан Қыдырбаев пен Жазира Жаппарқұл ҚР Еңбек сіңірген спорт шеберлері атанды

АСТАНА. ҚазАқпарат - Ауыр атлетикадан Әлем чемпионатының алтын медалінің иегері Жасұлан Қыдырбаев пен әлем біріншілігінің күміс жүлдегері Жазира Жаппарқұл Қазақстанның еңбек сіңірген спорт шебері атақтарын алды.

Бұл мәртебелі атақ оларға ауыр атлетикадан әлем чемпионатының жеңімпаздары мен жүлдегерлерін марапаттау кезінде берілді. Сонымен қатар ауыр атлетикадан Қазақстан құрамасының бас жаттықтырушысы Алексей Ни мен жаттықтырушы-кеңесші Энвер Туркелери дене шынықтыру ісіне қосқан үлестері үшін марапатталды. Бұған дейін хабарланғандай, әлем біріншілігінің жеңімпаздары - 15 мың доллар, күміс медаль иегерлері - 7 мың доллар көлеміндегі ақшалай сертификаттарға ие болды. Сондай-ақ жеңімпаздар мен жүлдегерлердің жаттықтырушылары да ақшалай сыйақылар алды.