Жаяу жүргіншіні қағып кетіп, оның өліміне себеп болған жүргізуші қолға түсті

ҚЫЗЫЛОРДА. Маусымның 21-і. ҚазАқпарат /Руслан Игілік/ - Қызылорда облысына қарасты Шиелі кентінде бір жүргізуші өзінің ГАЗ-53 автокөлігімен жаяу жүргіншіні қағып кеткен.

Оқыс оқиға салдарынан кент тұрғыны 1967 жылы туылған М.Д. аудандық ауруханаға жеткізіліп, жансақтау бөлімінде мерт болды.

Дәл осы күні Арал қаласынан тағы бір суыт хабар тіркелген. «Са­мара-Шымкент» тас жолының 101 бе­кеті тұсында ГАЗ-33023 автокөлігі ау­дарылған. Басқару жүйесіне ие бола ал­маған жүргізуші У. аудандық ауру­ханаға сол жақ иығы сынып түскен.

Облыстық ішкі істер департаменті жол полициясы басқармасының инс­пек­­торы, полиция аға лейтенанты Ақтоты Боранованың хабарлаға­нындай, апта ішінде 2 жол-көлік оқиғасы орын алған. Нәтижесінде 1 адам жан тапсырып, біреуі ауыр жарақаттанған. Сонымен қатар жол ережесін бұзғандар - 1878. Көлікті мас күйінде басқарғандар саны - 23. Өткен аптамен салыстырғанда ішімдік ішіп, темір тұлпарды меңгергендер 7 фактіге артып отыр. Ал айып алаңына 67 көлік қойылды.