Жайықтың деңгейін төмендету үшін Сарайшық маңындағы Құрсай каналы жырылған
АТЫРАУ. KAZINFORM – Атырау облысында Жайық өзенінің деңгейін төмендету үшін Сарайшық ауылы маңындағы Құрсай каналы жырылған.
Атырау облыстық жедел штабтың мәліметінше, Махамбет ауданының Сарайшық ауылындағы Құрсай каналының жалпы ұзындығы – 53 шақырым. Канал бойында 11 шаруа қожалығы орналасқан. Бастауын Сарайшық ауылы тұсындағы Жайық өзенінен алатын канал Бейбарыс ауылына таяу маңдағы Түйеші қыстағына дейін созылады.
«Жайық өзеніндегі тасқын судан Сарайшық ауылына қауіп төнбеу үшін Құрсай каналы бірнеше жерден жырылды. Бұл өзендегі су деңгейін бақылауда ұстауға септігін тигізіп тұр. Канал жырылғаннан кейін Жайық өзенімен келген мол су сай-жыраларға ағып жатыр», - дейді Сарайшық ауылдық округінің әкімі Жаннат Кенжеғалиева.
Оның айтуынша, қазір Сарайшық ауылында бөгетті қосымша бекіту жұмысы үздіксіз жүргізілуде. Бөгетке 7 мамырдан бері тәулік бойы ұйымдастырылған. Бұл тосын жағдайды дереу жоюға, су басу қаупінің алдын алуға ықпал етіп отыр.
Еске сала кетелік, бұдан бұрын Ортағасырлық Сарайшық қалашығын су тасқынынан қорғау күшейтілген режимде жүргізіліп жатқанын хабарлаған болатынбыз.
