Жайлылығы жоғары пойыздарға билет бағасы 20 пайызға арзандады

АСТАНА. 26 наурыз. ҚазАқпарат - Үстіміздегі жылдың 1 сәуірінен бастап «Жолаушылар тасымалы» АҚ №1/2 «Алматы-Астана» - «Тұлпар»,

151/152 «Алматы-Петропавл» - «Жетісу» жолаушылар пойыздарының «Гранд» және «Бизнес» санатты вагондарында, сондай-ақ №87/88 «Ақтөбе-Астана» - «Ақтөбе» пойызының «Турист» вагонында жол жүруге 20 пайыздық жеңілдіктер енгізуде. Жеңілдіктер оларды алып тастау туралы шешім шығарылғанға дейін жүретін болады. Бұл туралы компанияның баспасөз қызметінен хабарлады.

Жеңілдіктер Алматы қаласынан жұма және сенбі күндері, мереке қарсаңындағы және мереке күндерінен басқа сенбі және жексенбіде Астанадан аттанатын №1/2, 151/152 пойыздарының маршруттарына қатысты қолданылады. №87/88 «Ақтөбе-Астана» пойызы үшін 20 пайыздық жеңілдіктер аптаның күндеріне тәуелді емес.