Жазғы Паралимпия ойындары-2024: Екінші жарыс күнінің нәтижесі жарияланды

АСТАНА. KAZINFORM — Туризм және спорт министрлігі Жазғы Паралимпия ойындарының екінші күнінің нәтижесін жариялады.

Пара жеңіл атлетика

Салтанат Әбілқасымқызы Т35 санатында 100 метрге жүгіруде 16.52 уақыт көрсеткішімен мәреге тоғызыншы болып жетті.

Пара таэквондо

Кәмиля Досмалова қола жүлде үшін өткен кездесуде бразилиялық Силвана Майара Кардозо Фернандестен 28:3 есебімен жеңіліп қалды. Осылайша, ол Паралимпиада ойындарын бесінші орынмен аяқтады

Айта кетейік, бұған дейін, ширек финалда Кәмиля сербиялық спортшы Мария Мицевке 20:8 есебімен есе жіберген болатын.

Дегенмен, жұбаныш жекпе-жегінде ол Фиджи өкілі Ирен Марды 12:6 есебімен жеңіп, қола медаль үшін күресуге мүмкіндік алды.

Кәмиля Париж-2024 Паралимпиада ойындарында пара таеквондодан К44 (57 кг дейін) классында өнер көрсетті.