Жазғы лагерлерде 50 мыңға жуық оқушы демалады - ОҚО

ШЫМКЕНТ. ҚазАқпарат - Биыл Оңтүстік Қазақстандағы 24 жазғы сауықтыру лагерінде 50 мыңға жуық бала демалмақ. Бұл туралы бүгін өткен брифингте облыстық білім, жастар саясаты және тілдерді дамыту басқармасының басшысы А.Елшиева мәлім етті.

Сондай-ақ, 6500 бала өзге аймақтар мен шет елдердегі лагерьлерге барады. Өңірде жазғы лагерлер маусым айының бесінен бастап жұмысын бастайды. Осы демалыс орындарына облыстан әлеуметтік тұрмысы төмен, жетім және жартылай жетім он мыңға жуық бүлдіршін жаз айында лагерьлерге тегін жіберіледі. Сонымен қатар, қала ішіндегі оқушылар сарайының жанындағы «Балдаурен» лагері 600 баланы тегін қабылдайды. Онда келген балалар түрлі үйірмелерге қатысып, тарихи орындарға саяхат жасайды, деп хабарлайды ОҚО әкімінің баспасөз қызметі.