Жазғы универсиадада Милад Карими спорттық гимнастикадан чемпион атанды

АСТАНА. ҚазАқпарат - Қытайдың Чэнду қаласында өтіп жатқан ХХХІ Жазғы универсиадада спорттық гимнастикадан Милад Карими чемпион атанды, деп хабарлайды ҚазАқпарат тілшісі.

Қазақстандық атлет кермедегі сайыстың финалдық сатысында бірінші орын алды. Көрсеткіші - 14,800. Екінші орынды қытайлық Ши Сун (14,600) алса, үшінші орынға жапниялық Сугимото Каито (14,233) жайғасты.

Еске салсақ, бұдан бұрын Милад Карими спорттық гимнастикадан еркін жаттығу бойынша ерлер арасында 14.300 баллмен екінші орын алды.

Тағы бір күміс медальге ат үстіндегі сайыста Нариман Құрбанов қол жеткізді. Көрсеткіші - 15.266 балл.

Айта кетсек, бұдан бұрын алтын медальге ел құрамасынан таеквондошы Рита Бакишева (48 келі) ие болған еді.

Қазірге дейін қазақстандық спортшылар универсиадада 19 медальге ие болды. Оның ішінде екеуі алтын, жетеуі күміс, оны қола.