Жібек Құламбаева Үндістандағы жарыстың финалынан тыс қалды

АСТАНА. KAZINFORM - Қазақстандық теннисші, әлемнің 337-ракеткасы Жібек Құламбаева Солапур (Үндістан) ITF W35 турнирінің финалына шыға алмады.

Қазақстандық теннисші жартылай финалда дүниежүзілік рейтингіде 924-орында тұрған таиландтық Буньяви Тамчайватпен шеберлік байқасып, қарсыласына есе жіберді. 

Бірінші партияда Таиланд өкілі айқын басымдылық танытты. Есеп - 6:1. Екіншісінде Жібек 4:0 есебімен алға шыққан. Бірақ сол басымдылықты ұстап тұра алмай, қатарынан алты геймді қарсыласына берді - 4:6.

Матч сағат жарымға жуық уақытқа созылды.

Еске сала кетейік, бұдан бұрын қазақстандық қос жасөспірім теннисшінің Аустралия чемпионатында бақ сынайтынын жазған болатынбыз.