Жедел жәрдем көлігі жол апатына ұшырады: полиция іс қозғады

КӨКШЕТАУ. KAZINFORM – Ақмола облысында жедел жәрдем көлігі жол апатына ұшырау дерегі бойынша іс қозғалды.

Ақмола облысы ПД баспасөз қызметінің мәліметінше, жол-көлік оқиғасы осы жылдың 3-ші тамызында сағат 10:20 шамасында болған. 

«Анықталғандай, «Honda CR-V» көлігі мен жедел жәрдем бригадасының «Газель» көлігі соқтығысқан. Салдарынан «Honda CR-V» көлігінің 47 жастағы жүргізушісі мен жедел жәрдем фельдшері зардап шекті. Қазіргі уақытта жол апатына байланысты іс қозғалып, сотқа дейінгі тергеп-тексеру шарасы қолға алынды», - деді ведомстводан.

Айта кетсек, бұдан бұрын Ақмола облысында өндіріс орнында жұмысшы әйелді жүк көлігі басып кеткенін жазған едік.