Жемқорлыққа қарсы іс-қимыл агенттігі 60 адамды іздестіріп жатыр

АСТАНА. KAZINFORM – ҚР Сыбайлас жемқорлыққа қарсы іс-қимыл агенттігі төрағасының орынбасары Дархан Құрақбаев 2022 жылдан бері іздеу жарияланған күдіктілерді анықтау жұмыстарына түсінік берді.

- 2022 жылдан бері 129 адам іздестіріліп, оның 70-і анықталды. Кейбірі бойынша істі тергеу жалғасып жатыр, сондай-ақ кейбіреулеріне қатысты сот үкімі шықты. Экстрадициялау бағытында 8 адам экстрадицияланды. 2022 жылдан бастап қазіргі дейін бізде 60 адам қалды. Оларды анықтау іс-шараларын жүзеге асырып жатырмыз, - деді Д. Құрақбаев Сенатта тілшілер сұрағына жауап бере отырып.

Бұған дейін ҚР Сыбайлас жемқорлыққа қарсы іс-қимыл агенттігі төрағасының орынбасары Дархан Құрақбаев күдікке ілінген Арғын Нығматулинді іздеу жұмыстарына қатысты түсінік берді.