Жемқорлықты қабылдау индексі бойынша еліміз нешінші орында

АСТАНА. KAZINFORM — Transparency International «Сыбайлас жемқорлықты қабылдау индексі» халықаралық рейтингінде 2024 жылы Қазақстан нәтижелерін тағы да жақсартты.

— Біздің еліміз 40 ұпай жинап, 180 ел арасында 5 орынға көтерілді (88 орын). Бұл сыбайлас жемқорлыққа қарсы кешенді шаралардың арқасында қол жеткізілген жаңа тарихи көрсеткіш, — делінген Антикор хабарламасында.

Әлем бойынша орташа балл 43, ал «Шығыс Еуропа және Орталық Азия» аймағында (19 ел) 35 болды.

Қазақстан рейтингінің 2016 жылдан бастап айтарлықтай өскен ел ретінде атап өтілді — 11 баллға (29 баллдан) өсу.

Орталық Азия өңірі елдерінің ішінде Қазақстан ең жоғары позицияны иеленеді және рейтингті жақсартқан жалғыз ел.

Индексте Қазақстаннан кейін Үндістан (38), Индонезия (37), Аргентина (37), Сербия (35), Украина (35), Бразилия (34), Таиланд (34), Түркия (34), Беларусь (33), Ресей (22) және т. б. елдер орналасқан.

Жемқорлықты қабылдау индексі — Қазақстанның рейтингін шығару үшін 9 түрлі ұйымның деректері пайдаланылған композиттік индекс.

Рейтинг мемлекеттік сектордағы сыбайлас жемқорлықты қабылдаудың сараптамалық және бизнес-бағалауларына негізделген.

Осыған дейін шенеуніктердің табыс декларациясын жариялау мәселесін антикор реттейтіні белгілі болды.