Жеңіл атлетикадан әлем чемпионатында Қазақстан нешінші орынға тұрақтады
НҰР-СҰЛТАН. ҚазАқпарат - Юджинде (АҚШ-тың Орегон штаты) жеңіл атлетикадан 2022 жылғы әлем чемпионаты өтті, деп хабарлайды ҚазАқпарат sports.kz ресурсына сілтеме жасап.
Оның қорытындысы бойынша АҚШ құрамасы медальдық есепте бірінші орынды иеленді – 33 медаль (13 алтын, 9 күміс, 11 қола).
Екінші орынды эфиопиялық спортшылар – 10 (4.4.2), үшінші орынды Ямайка – 10 (2.7.1) иеленді.
Қазақстан өзге жеті елмен бірге 22-орынды бөлісті.
Ұлттық құраманың қоржынында бір алтын бар. Оны 3000 метрге кедергі арқылы жүгіру жарысында Нора Джеруто жеңіп алды.
Айта кетерлігі, бұл «алтын» - ел тарихындағы жеңіл атлетикадан әлем чемпионатындағы ең жоғары деңгейдегі бірінші жүлде болды.
Нора Джеруто жарыстың негізгі фавориттерінің бірі болды.
Ол белгіленген қашықтықты 8:53.02 уақыт ішінде жүгіріп өтіп, жеңімпаз атанды.
