«Жер қойнауын игеру туралы» Заңға өзгерістер енгізіледі

АСТАНА. 14 ақпан. ҚазАқпарат - «Жер қойнауы және жер қойнауын пайдалану туралы» ҚР Заңына өзгерістер мен толықтырулар енгізу көзделіп отыр.

Бұл туралы Астанада өтіп жатқан «Мұнай және газ: Қазақстандық қамту - 2013» форумы барысында ҚР Мұнай және газ министрлігінің жауапты хатшысы Қанатбек Сафинов мәлім етті.

«Ағымдағы жылы сәуір айында біз «Жер қойнауы туралы» заңға өзгерістер мен толықтырулар енгізуді жоспарлап отырмыз. Осыған байланысты жер қойнауын игеруші компаниялар мен тауар өндірушілер тарапанын қандай да бір ұсыныстар болса, біз оның барлығын талқылауға даярмыз», - дейді Қ.Сафинов.

Министрліктің жауапты хатшысы атап көрсеткендей, заңның жобасы ведомствоның ресми сайтында орналастырылды.