Жер сілкінісінен соң Жапонияда қала көшелерін өзгеше көбік басты
АСТАНА. ҚазАқпарат - Жапонияда Фукуока қаласының көшелерінде жер сілкінісінен соң тығыз көбікке айналған таңданарлық көпіршіктер пайда болды, деп жазады Mashable басылымы.
Бұл өзгеше көрініс жайлы әлеуметтік желіні пайдаланушылар суреттерімен және видеоларымен бөлісуде, деп хабарлайды РИА Новости.
Кейбір пайдаланушылар қала көшелеріндегі көбікті - белгісіз сұйықтық аққан астындағы құбырдың жарылуынан деп дәлелдемек болады, бірақ басылымға бұл нұсқаны ресми растаудың сәті түспеді.
Фукуока қаласы Кюсю аралында болған жер сілкінісінің ошағынан небәрі 90 шақырым қашықтықта орналасқан.
Соңғы күндері табиғи апат салдарынан 41 адам қаза тапты, екі мыңға жуығы жараланды.
