Жер сілкінісінен зардап шеккендер бар ма? — «Қазселденқорғау» жауап берді
АСТАНА. KAZINFORM — «Қазселденқорғау» табиғи апаттан кейінгі тексеру жұмыстарының нәтижесін жариялады, деп хабарлайды ТЖМ.
«Қазселденқорғау» АТЭТУ мамандары өзен арналарын, гидротехникалық құрылыстарды, көшкін қауіпті және сел қауіпті учаскелерді зерттеу бойынша мониторинг жүргізді. Сондай-ақ, тіршілікті қамтамасыз ету нысандарын аралап, тексеру жұмыстарын жүргізді.
— Тексеру нәтижелері бойынша зақымдану табылған жоқ, қазіргі уақытта аталған объектілер штаттық режимде жұмыс істейді. Қираулар мен зардап шеккендер туралы мәлімет түскен жоқ. Жағдай тұрақты, — делінген хабарламада.
Еске салсақ, бүгін Алматыдан солтүстік-шығысқа қарай 192 км аумақта жер сілкінді.
