02:03, 11 Наурыз 2024 | GMT +5
Жетісу облысында да оншақты үйдің ауласына су кірді
ТАЛДЫҚОРҒАН. KAZINFORM — Жетісу облысында егістікте қардың қарқынды еруінен Алакөл ауданы Бескөл стансасында шамамен 10 үйдің ауласын су алып кетті.
Жетісу облысы ТЖД мен жергілікті атқарушы органдардан 15 адам, 5 техника және 3 мотопомпа еріген қар суын бұру және суару каналын кеңейту бойынша жұмыс жүргізіп жатыр.
Қосымша тағы 25 құтқарушы, 4 техника және 6 мотопомпа оқиға орнына бара жатыр.
Еске сала кетейік, кешелі бері Қазақстанның бірқатар өңірінде күн күрт жылынып, қар тез ери бастады.
Абай облысында Таскескен-Бақты жолына су жайылды.
Қызылорда облысында бөгетті су шайды, ал Алматы облысында үйлердің ауласын су алып кетті.
Жетісу өңірінде Көкөзек каналының суы көтерілді.
