Жыл басынан бері Қазақстанда 88 мың неке тіркелген

АСТАНА. KAZINFORM — Биылғы тоғыз айда Қазақстанда шамамен 88 мың неке тіркелген. Бұл туралы «Азаматтарға арналған үкімет» Мемлекеттік корпорациясының баспасөз қызметі мәлім етті.

Неке саны бойынша Алматы қаласы айқын көш бастап тұр — осы кезеңде мұнда 14 254 жұп некесін ресми түрде қиған.

Екінші орында — Астана қаласы, онда 10 142 жұп өмірін бір арнаға тоғыстырған.

Үшінші орын Түркістан облысына тиесілі — мұнда 6 687 неке тіркелген.

Ал топ-5-ті мына өңірлер түйіндеді: Шымкентте 5 570 неке, Қарағанды облысында 5 394 неке тіркелген.

Айта кетейік, Қазақстандықтар арасында этносаралық некелер саны артып келеді.

Сондай-ақ некеге мәжбүрлегендер 10 жылға дейін сотталуы мүмкін.

Мамыр айында Астанада бір мезетте 25 келіннің беташары өткен болатын.

Ал бала туу көрсеткіші бойынша Түркістан облысы республикада көш бастап тұр.