Жыл басынан бері вейптердің заңсыз айналымына қатысты 32 дерек тіркелді

АСТАНА. KAZINFORM —  Қаржылық мониторинг агенттігі электрондық темекі құрылғыларының заңсыз айналымымен күрес бойынша мақсатты жұмыс жүргізіп келеді. 

Агенттіктің мәліметінше, 2025 жылдың басынан бері вейптердің заңсыз айналымына  қатысты 32 дерек тіркелді.

• 440 мыңнан астам бұйым тәркіленіп, жойылды; осы өнімдерді өндіруге арналған 6 бірлік жабдық алынды;
• тәркіленген өнімнің жалпы құны 1,8 млрд теңгеден асты;
• 14 адам қылмыстық жауапкершілікке тартылды.

Заңсыз қызмет Telegram, WhatsApp мессенджерлері және курьерлік қызметтер арқылы жүзеге асырылған. Түскен табыстар «дроптар» арқылы қолма-қол ақшаға айналдырылған. 

Аталған өнімдердің негізгі тұтынушылары – жастар мен кәмелетке толмаған оқушылар екенін атап өткен жөн. 

Айта кетейік, елімізде шылым шегетіндер азайып, вейп пен электронды темекіге әуестенушілер саны артқан.