«Жыл волонтері» халықаралық сыйлығын тағайындау қағидалары өзгереді

АСТАНА. KAZINFORM – Мәдениет және ақпарат министрі Аида Балаева «Жыл волонтері» сыйлығын тағайындау ережелерін өзгерту жобасына қол қойды. Енді жеңімпаз волонтерлер мемлекеттен 100 АЕК көлемінде, яғни 362 мың теңге сыйақы алады.

«Жыл волонтері» халықаралық сыйлығы – әлеуметке бағытталған, қоғамдық пайдалы міндеттерді шешуге үлес қосқан үміткерлерге берілетін республикалық бюджет туралы заңмен белгіленген айлық есептік көрсеткіштің жүз еселенген мөлшеріндегі ақшалай сыйақы», - делінген құжатта.

«Жыл волонтері» сыйлығы енді бірнеше бағыт бойынша беріледі:

- жеке волонтерлік қызмет;

- волонтерлік бастамалар немесе жобалар.

Сондай-ақ, жоба авторлары 15 жаңа номинацияны енгізуді ұсынады.

Халықаралық волонтерлік - Қазақстан Республикасының, сондай-ақ елден тыс ұйымдардың жобаларын қолдау үшін қызметін, білімін, ресурстарын ұсынатын жақын және алыс шетелдердің белсенді волонтерлеріне, волонтерлік ұйымдар мен топтарға беріледі.

«Күміс» волонтерлік - 63 жастан жоғары азаматтардың қатысуымен белсенді волонтерлерге, волонтер ұйымдарға және топтарға беріледі, олар аға буын азаматтарын насихаттайды және волонтерлер қызметіне қатысады.

Инклюзивті волонтерлік - белсенді волонтерлер мен волонтерлік ұйымдарға және топтарға еріктілік қызметіне әртүрлі қабілеттері немесе ерекшеліктері бар адамдарды тартқаны үшін беріледі.

Медицинадағы волонтерлік – пациенттерге, отбасыларға және денсаулық сақтау қызметкерлеріне қолдау көрсете отырып, медициналық мекемелерде ерікті түрде көмек көрсететін белсенді волонтерлерге, волонтер ұйымдарға және медициналық қызмет көрсету топтарына беріледі.

Әлеуметтік еріктілік – белсенді волонтерлерге, волонтерлік ұйымдарға және топтарға мұқтаж адамдарға көмектесу және қоғамды жақсарту үшін сіңірген еңбегі үшін беріледі. Ерікті үйсіздерге көмектесу, қарттарға күтім, ерекше қажеттіліктері немесе мүмкіндіктері бар адамдарға көмектесу, кедейлікпен күресу тағы басқа салаларда жұмыс істей алады.

Білім беру саласындағы волонтерлік – белсенді волонтерлер мен волонтерлік ұйымдарға және білім беру саласындағы еңбегі үшін топтарға беріледі. Бұл номинация білім беру мекемелерінде жұмыс істейтін немесе білім беру жобаларына қатысатын белсенді волонтерлердің, волонтерлік ұйымдар мен топтардың күш-жігерін және берілген үлесін таниды және көтермелейді.

Экологиялық волонтерлік – белсенді волонтерлер, волонтерлік ұйымдарға және топтарға қоршаған орта мен табиғатты қорғауға сіңірген еңбегі үшін беріледі. Осы номинациядағы еріктілер аумақтарды тазалауды, ағаш отырғызуды, экологиялық іс-шараларды ұйымдастыруды, экожүйелерді сақтау және қалпына келтіру бойынша жұмыстарын жүргізеді.

Хайуанаттар бағы волонтерлері – белсенді волонтерлер, волонтерлік ұйымдарға және хайуанаттар бағы волонтерлеріне, сондай-ақ хайуанаттар бағында, баспаналарда, қорықтарда немесе жануарлар әлеміне қатысты басқа ұйымдарда жануарларды қорғау мен күтуге арналған топтарға беріледі.

Төтенше жағдайларды жою саласындағы волонтерлік – табиғи апаттар, апаттар, қақтығыстар және басқа да дағдарыстық жағдайлар сияқты төтенше жағдайлардан зардап шеккендерге көмек көрсетуге белсенді қатысқаны үшін белсенді еріктілерге, ерікті ұйымдарға және топтарға беріледі.

Спорт және туризм саласындағы волонтерлік - спорттық іс-шараларды өткізуге көмек көрсеткені үшін белсенді волонтерлерге, волонтерлік ұйымдарға және топтарға беріледі. Осы саладағы еріктілер әртүрлі тапсырмаларды орындай алады, соның ішінде іс-шараларды ұйымдастыруға көмектесу, жанкүйерлерге қызмет көрсету, ақпарат беру және қатысушыларды бағдарлау.

Мәдениет саласындағы волонтерлік – белсенді волонтерлер, волонтерлік ұйымдары мен топтарына мәдени іс-шараларды, мекемелер мен бастамаларды қолдағаны үшін беріледі. Бұл саладағы еріктілер мәдени іс-шараларды әртүрлі аспектілерде ұйымдастыруға және өткізуге қатыса алады. Сонымен қоса іс-шараларды дайындау және өткізу, ақпараттық қолдауға көмектесу, насихаттау және жарнама, мәдениет ұйымдарына көмек көрсетеді.

Корпоративтік волонтерлік – белсенді волонтерлерге, волонтерлік ұйымдарға және топтарға беріледі. Ұйымдар корпоративтік әлеуметтік жауапкершілік шеңберінде волонтерлік қызметке қатысады.

Халықтар арасындағы бейбітшілікті, достық пен келісімді сақтау және нығайту жөніндегі волонтерлік – ұлттық және шетел волонтерлеріне, волонтерлік ұйымдар мен топтарға беріледі. Олардың қызметі халықаралық қатынастарды жақсартуға, қақтығыстарды азайтуға және халықтар арасындағы бейбітшілікті, келісім мен өзара түсіністікті жеткізуге бағытталған.

Медиа-волонтерлік – білім беру, әлеуметтік қолдау, ақпараттық ықпал ету және халыққа білім беру сияқты түрлі салаларда волонтерлік қызметті жүзеге асыру үшін белсенді волонтерлерге, волонтерлік ұйымдарға және қызметінде медиа ресурстары пайдаланылатын топтарға беріледі. Бұл номинацияға үміткерлер қоғамдағы оң өзгерістерге ықпал ететін мазмұнды және әсерлі медиа-жобаларды құруға ұмтыла отырып, волонтерлік қызмет үшін медиа-ресурстарды белсенді пайдалануды көрсетуі керек.

Интеллектуалды волонтерлік – белсенді волонтерлер мен волонтерлік ұйымдарға және жоғары білім мен интеллектіге қатысуын белгілейтін және ынталандыратын топтарға беріледі. Осы номинацияға қатысатын волонтерлер өздерінің білімдерін, дағдылары мен тәжірибелерін білім беру, денсаулық сақтау, әлеуметтік әділеттілік, зерттеу тағы басқа салаларға көмектесу үшін пайдаланады.

Жоба 20 тамызға дейін ашық талқылау үшін «Ашық НҚА» сайтында жарияланды.