Жол апатына ұрынған бес қостанайлық ауруханаға түсті
ҚОСТАНАЙ. ҚазАқпарат - Қостанайда Audi-89 маркалы автокөлік жол бағанасына соғылып, ондағы 5 адам ауруханаға түсті.
Жол оқиғасы қарсы беттен келе жатқан Honda Accord жүргізушісінің кесірінен болған, ол солға бұрылған «аудиді» өткізбей қойған. Салдарынан машина аударылып қалған.
Облыстық ІІД баспасөз қызметінің хабарлауынша, Audi-89 көқлігін басқарған 29 жастағы қостанайлық мас күйде болған. Оның көлігіндегі 20-23 жастағы жігіттер жарақат алып, ауруханаға жатқызылды. Қазір сот алды тергеу жүргізілуде.
