Жол ережесін бұзған ақтаулық полицей жауапқа тартылды
АҚТАУ. ҚазАқпарат - Ақтаулық полиция қызметкері жол ережесін бұзғаны үшін жауапкершілікке тартылды. Айппұл көлемі үш АЕК-ті, яғни 6807 теңгені құрады, деп хабарлайды Лада.кз Маңғыстау облысының ішкі істер департаментіне сілтеме жасап.
17 қараша күні Маңғыстау облыстық ІІД Жергілікті полиция қызметінің жол-патрульдік қызметкері бағдаршам тұсындағы тоқтау қажеттігін білдіретін жолақтан асып барып тоқтағаны туралы видео тарай бастады.
«Аталған дерек бойынша полиция қызметкеріне қатысты ҚР Әкімшілік құқық бұзушылық туралы кодекстің 601-бабы 1-бөлігі (Жол белгiлерiмен немесе жол үстіндегі жолақтармен көрсетілген талаптарды сақтамау) бойынша әкімшілік хаттама толтырылып, үш айлық есептік көрсеткіш көлемінде айыппұл төлеу түріндегі жаза тағайындалды», - деп мәлім етті ІІД-інің баспасөз қызметі.
