Жолаушылары бар бес автобус Абай облысындағы тас жолда тұрып қалды

СЕМЕЙ. KAZINFORM — ТЖМ құтқарушылары 100 адамды құтқарды.

Төтенше жағдайлар министрлігінің мәліметінше түнде Абай облысы «Алматы — Талдықорған — Өскемен — Шемонаиха — РФ шекарасының» а/ж учаскесінің жабылуына байланысты құтқарушылар автобус жолаушыларына көмекке барған.

— Құтқарушылар Аягөз қаласы уақытша орналастыру пунктіне салонында 100 адам, оның ішінде 18 бала болған 5 жолаушылар автобусын жеткізді. Медициналық көмек ешкімге қажет болған жоқ, — делінген хабарламада.

Айта кетелік ауа райының бұзылуына байланысты 8 облыста жол жабылған еді.