Жұмысқа кіргіземін деп жұртты алдаған алаяқ Дубайдан елге жеткізілді

АСТАНА. KAZINFORM — Алаяқтық жасағаны үшін іздеуде жүрген ер адам БАӘ-ден Қазақстанға жеткізілді. Бұл туралы ІІМ баспасөз қызметі хабарлады.

алаяқ
Фото: Видеодан скриншот

20 желтоқсанда ірі көлемде алаяқтық жасағаны үшін Қазақстан ІІМ Интерпол Ұлттық орталық бюросымен халықаралық іздеуге жарияланған 37 жастағы ер адам Біріккен Араб Әмірліктерінен Қазақстанға жеткізілді.

— 2020-2021 жылдар аралығында ол мемлекеттік органдарға жұмысқа кіруге көмектесу сылтауымен ел азаматтарының қаражатын иемденген. Ақшаны алғаннан кейін күдікті республика аумағынан кетіп қалған. Биылғы жылдың қаңтар айында ІІМ Интерполының сұрауымен күдікті Дубайда ұсталды. БАӘ-нің құзыретті органдары оны біздің елге беру туралы шешім қабылдады. Ұсталған адам қазіргі уақытта ІІМ ӘТД қызметкерлерімен қамауға алынды, — делінген хабарламада.

Еске салсақ, кеше аса iрi алаяқтық жасады деген күдікті Ресейден экстрадицияланғаны мәлім болды.

Соңғы жаңалықтар