Жұмыссыздықпен күрестің қарқыны ешбір бәсеңдемейді - Қызылорда

ЫЗЫЛОРДА. Маусымның 23-і. ҚазАқпарат (Руслан Игілік) - Республикалық «Жол картасы» іс-қимыл бағдарламасы былтыр барлық салаларда дерлік қарқынды жүргізілді. Ол ең алдымен жергілікті жерлерде жұмыссыздықты азайтуға ерекше серпін берді. Аталмыш бағдарламаның жүру барысы биылғы жылы да бұл проблеманы жеңілдетуге жәрдем етері сөзсіз. Агенттік тілшісі осы мәселелерге орай Қызылорда облыстық жұмыспен қамтуды үй­лестіру және әлеуметтік бағдарламалар

басқармасының бастығы Ирина Киммен әңгімелескен еді.

- Ирина Леонидовна, облысы­мыз­­да өткен жылы жұмыссыз­дық­ты еңсеру бағытында көптеген шаруалардың атқарылғанын білеміз. Осы істер биылғы жылы қандай ба­ғытта жалғасын тауып жатыр?

- Елбасымыз былтырғы «Дағдарыс арқылы жаңару мен дамуға» атты Жолдауында халық­ты жұмыспен қамтудың өңірлік стратегиясын айқындап бергенін білесіздер. Бұл бағытта атқарыл­ған істер өз жемісін берді. Аймақ­тағы жалпы жұмыссыздық деңгейі төмендеді. Қолға алынған шаруа­лар жалғасын тауып жатыр. Үсті­міз­дегі жылдың 1 маусымына нақты 7208 адам жұмысқа орна­ластырылды, бұл өткен жыл көр­сет­кішінен 44,2 пайызға артық. Осы уақыт ішінде облыс бойынша 33 рет жәрмеңке ұйымдасты­ры­лып, 331 жұмыс беруші 1342 бос жұмыс орындарын ұсынды. Нәти­жесінде 684 адам тұрақты кәсібін тауып, 927 адам кәсіптік оқу және қайта даярлау курстарына жол­дан­ды, 651 адам әлеуметтік жұмыс орындарына және жастар прак­ти­касы бағдарламасымен жұмысқа орналасты. Әу баста межеленген 8670 жаңа жұмыс орны болса, 5235 жұмыс орны құрылып, ол 60,4 пайызға орындалып отыр. Бұған қоса 6810 жұмыссызды қоғамдық жұмыстарға тарту қаралса, қазіргі уақытта 4177 адам қоғамдық жұ­мысқа тартылып, оған бюджеттен 108,8 млн. теңге төленді. Сонымен қатар жыл басынан бері 112 әлеу­меттік жұмыс орындары ұйым­дас­тырылып, оған қатысушыларға жергілікті бюджеттен 1,3 млн. теңге берілді. Мұнан өзге кәсіптік оқу және қайта даярлау курстарына 1002 адам жіберілді.

- Әлеуметтік жұмыс орында­рын ұйымдастыру мақсатында мекемелермен жасалып жатқан ке­лі­сімшарттар мен «жастар тәжірибесін» кеңейту бағытын­дағы істерге тоқтала кетсеңіз?

- Бұл бағытта 179 мекеме және кәсіпорындармен келісімшарт жа­салып, 1099 адам жұмысқа ор­на­ласты, осылайша есепті кезеңге қаралған 47,3 млн. теңге толы­ғы­мен игерілді. Жұмыс орындарын ұйымдастыру мен «жастар тәжі­ри­бесін» кеңейтуге барлығы 480 млн. теңге қаралған. Оған 1500 әлеуметтік жұмыс орнын ұйым­дас­тыру және 2500 адамды «жас­тар тәжірибесіне» жіберу жос­пар­ланып, іске асуда. Мамандарды даярлау және қайта даярлауға 3517 адам жіберілді, былтырғы жылдан оқып келе жатқандар 2362 адам, бұл мақсатқа 266,5 млн. теңге бөлініп, игерілді.

- Бұған дейін әлеуметтік әріп­тес­тік негізінде бірқатар шаруа­лар атқарылды. Биылғы жылдың жоспарында қандай міндеттерді атқару көзделген?

- Облысымызда 2009-2011 жыл­дарға арналған республи­ка­лық бас келісімнің негізінде 140 тараптан тұратын үшжақты келі­сім қабылданып, бекітілген іс-ша­ра­лар жоспары аясында өзара қа­был­данған міндеттемелерді орын­дау жұмыстары ұйымдастыры­лу­да. Ұжымдық шарт жасасу мо­ни­торингі бойынша жасалынған келісімшарттардың саны - 2174-ке жетті, бұл облыста жұмыс істеп тұрған мекеме санына шаққанда 44 пайызды құрайды. Меморан­думдар негізінде аймақтағы ин­фра­құрылым дамытылады. Оның ішін­де балаларға арналған ойын алаңдарының құрылысы, мүге­дек­терге арналған қайырымдылық көмек, әлеуметтік нысандарды жөндеу жұмыстары жүргізіледі.

Биылғы жылдың наурыз айын­да облыс әкімдігі мен ірі мұнай компаниялары арасында облысты әлеуметтік-экономикалық дамы­тудың өзара ынтымақтастығы ту­ра­лы 5 меморандумға қол қойыл­ды. Олар: «Петро Қазақстан Құм­көлРесорсиз» АҚ өңірдегі түрлі мә­дени-әлеуметтік, инфрақұры­лымдық шараларды жүзеге асы­руды қолдауға бағытталған жоба­лар­ды қаржыландыруға 3 млн. доллар көлемінде, «СНПС-Ай Дан Мұнай» АҚ - 500 мың доллар, «Қор» мұнай компаниясы АҚ - 60 млн. теңге, «ҚуатАмлонМұнай» ЖШС - 100 млн. теңге, «Саутс Ойл» ЖШС Қызылорда қаласын­дағы теннистік корт орналасқан спорт кешенінің жобалық-сме­талық құжаттарын дайындауға және осы жылдың ішінде кешенді салуға 300 млн. теңге көлемінде қаржы бөлінеді.

- Әлеуметтік тапсырыстарды орындауда үкіметтік емес ұйым­дар­дың жұмыстары қалай ұйым­дастырылуда?

- Биылғы бір көзден сатып алу бойынша өткізілген конкурстың қо­рытындысында комис­сия ше­ші­мімен 8 млн. 203 мың теңгеге конкурс жеңімпазы болып Қа­зақ­стан Республикасы арда­гер­лер ұйы­мы қоғамдық бірлестігі аты­нан Қызылорда облыстық фи­лиалы бо­лып танылды. Бүгінгі күн­ге дейін Ұлы Отан соғысы мен еңбек, Ауған соғысы ардагерлері, Батыр ана, мүгедектер мен басқа зардап шеккендер үшін қоғамдық қабыл­даулар ұйымдастырылды. Қоғам­ның әлжуаз топтарын мем­ле­кеттік кәсіби және басқа да мей­рамдарға қатыстыру, семи­нар-тренингтер мен кездесулер өткізу сынды бірқатар жұмыстар атқарылды.

- «Батыс Еуропа - Батыс Қытай» халықаралық көлік дәлізі жобасы қолға алынғалы шетел жұ­мыс күшін тартудың қажеттілігі туатыны белгілі. Бұл мәселенің шешімі қалай болуда?

- Дұрыс айтасыз, халықара­лық автобан өте үлкен құрылыс. Оған шетел мамандарының тар­ты­­луы да заңдылық. Облыс бойын­­­ша бүгінгі күнге 1754 шетел мамандарын тарту белгіленген, оның ішінде 1-2 санат бойынша 1479 бірлік, 3- санат бойынша 275. Ал «Батыс Еуропа - Батыс Қы­тай» жобасына сәйкес өткен жылмен салыстырғанда квота жеті есеге көбейді. Облыс көлемінде бірлескен 23 кәсіпорын жұмыс ат­қа­рады. Ондағы қазақстандық ма­мандардың саны 5569 адамды құрайды. Арнайы рұқсат бойын­ша 272 шетел азаматтары жұмыс жасайды. Жыл басынан бері 1422 қазақстандық азамат даярлау жә­не қайта даярлаудан өтті. Олар үшін 650 қосымша жұмыс орын­дары құрылды, 6 шетелдік азамат біздің кадрлармен алмастырылды.

- Аймақтағы жұмыссыздықпен күрес бағытындағы атқарылып жатқан жұмыстар жөнінде бір­ша­ма мәліметтер келтірдіңіз. Енді әлеуметтік сала бюджетінің жағ­дайын да біле отырсақ...

- Үстіміздегі жылдың бес айын­да әлеуметтік көмек және әлеу­меттік қамсыздандыру бюд­жеті 2 036,5 млн. теңгені құрады. Арнайы әлеуметтік қызметтер стан­дартын енгізуге психикалық-жүйке аурулар интернатына қо­сым­ша 15 штат бірлігі, Қазалы­дағы осындай интернатқа 13 штат бірлігі, барлығы 34,4 млн. теңге бөлінсе, ақыл-есі кем балаларға ар­налған интернат үйіне 43,2 млн. теңге қаралып, қосымша дәрігер­лер мен мұғалімдер, дефектолог­тар, ЕФК нұсқаушысы, әлеуметтік қызмет мамандары, барлығы 45 штат бірлігі қосылды. Медици­на­лық-әлеуметтік мекемелердегі тұр­ғындарға арнайы бекітілген тамақтану нормасы бойынша мем­лекет қамқорлы­ғындағы­лар­ды сапалы тамақтанумен қамта­масыз ету мақсатында респуб­ликалық бюджет қаражаты есе­бінен 80,3 млн. теңге бөлінді.

Облыстық бюджеттен Ұлы Отан соғысына қатысушылары мен мүгедектеріне, сондай-ақ олар­ға теңестірілгендерге бір жолғы материалдық көмек төлеуге 17,8 млн. теңге бөлінсе, жекелеген санаттағы азаматтарға комму­нал­дық шығындарын өтеуге және үйлерін газдандыруға материал­дық көмек көрсетуге 239,5 млн. теңге қаралды.

Қазақстан Республикасы Үкі­­ме­тінің 2007 жылғы 29 тамыз­дағы №753 «Қазақстан Респуб­ликасының әлеуметтік-экономи­ка­лық дамуының 2008-2010 жыл­дарға арналған орта мерзімді жос­пары туралы» қаулысына сәйкес медициналық-әлеуметтік меке­ме­лердің құрылысына биыл рес­пуб­ликалық бюджет есебінен 4,5 млрд. теңге трансферт әлеуметтік саланың 3 нысанын салуға қа­рал­ды. Олардың қатарында 200 орын­дық ақыл-есі кем балаларға ар­нал­ған интернат үйі, 300 орын­дық психикалық-жүйке аурулар ин­тер­наты және 150 орындық оңалту орталығы бар.

Біздің басқарма тарапынан жұмыссыздықпен күрес бағы­тын­дағы жұмыстар биылғы жылы да заңды жалғасын табатын болады.