Жүргізушілер айыппұлды ХҚКО-да төлей алады - ҚР ІІМ
АСТАНА. ҚазАқпарат - Жүргізушілер айыппұлды халыққа қызмет көрсету орталықтарында төлей алады. Бұл туралы бүгін ҚР Ішкі істер министрінің орынбасары Ерлан Тұрғымбаев мәлім етті.
«Жол полициясына барып, құқық қорғаушылармен кездесудің қажеттілігі жоқ. Халыққа қызмет көрсету орталықтарының кез келген бөлімшесі сіздерге қызмет көрсетіп береді. Қазіргі уақытта біз өзіміздің ААЖ-бақылау жүйемізді ХҚКО базасымен біріктірудеміз», - деді ҚР ІІМ министрінің орынбасары.
Оның сөзіне қарағанда, бұндай жүйе қағазбастылықты азайтып, жемқорлықтың орын алуына жол бермейді. Сонымен қатар айыппұл төлеуге кететін уақытты да едәуір азайта алады.
