Жыл басынан бері Қазақстанда 303 адам суға батып кетті
АСТАНА. ҚазАқпарат - Жыл басынан Қазақстанда су қоймасына 303 адам, соның ішінде 124 бала батып кетті, деп хабарлады ҚР ІІМ ТЖК ресми өкілі Руслан Иманқұлов.
«2016 жылдың 7 айында елдің су қоймаларында 303 адам, соның ішінде 124 бала батып кетті. Шілде айының өзінде 106 адам, соның ішінде 42 бала суға кетті»,- деді Р. Иманқұлов.
Құтқарушылар 536 адамды, соның ішінде 112 баланы құтқарып қалды.
«Адамдар көбіне жүзуге арналмаған орындарға суға түсіп, қайғылы оқиғаға душар болады. Сондай-ақ су қоймаларының маңында ересектердің қарауынсыз қалған балалардың суға кетуі көп кездесіп жатады», - деді Р. Иманқұлов.
