Жыл сайын 14 жасқа толмаған балалар арасында 200 мың жазатайым оқиға тіркеледі - министрлік
«Жыл сайын республикада 14 жасқа дейінгі балалар арасында 200 мыңға дейін жазатайым оқиғалар мен жарақаттар тіркеледі. Оның 1,2%-ы мүгедектікке әкеледі. Балалардың жарақаттар мен жазатайым оқиғалардан қайтыс болу жағдайларының жартысына жуығы термиялық және химиялық күйік – 54%, механикалық асфиксия - 26% және 20%-ы жол-көлік жарақаттары, кездейсоқ құлау және тағы да басқаралары», - деп жазылған Денсаулық сақтау министрлігі ұсынған ақпаратта.
Ведомство дерегінше, электр самокаттарды пайдалану кең таралғаннан бастап, жол-көлік оқиғаларынан зардап шеккен балалар саны да өскен. Мәселен, былтыр кәмелетке толмағандардың қатысумен болған мұндай апаттар 2021 жылмен салыстырғанда 15%-ға артқан.
«Қазақстанда 14 жасқа дейінгі балалар өлімінің маңызы бойынша екінші сыртқы фактор - ол балалардың суға кетуі. 3 000 ата-ана арасында іріктеп жүргізілген зерттеу балалардың шамамен жартысы суда болған кезде қауіпсіздік құралдарын қолданбайтынын көрсетті», - делінген тұжырымдамада.
Қоса кетсек, Денсаулық сақтау министрлігі алдағы 7 жылға арналған Ана мен бала денсаулығын сақтау қызметін дамыту тұжырымдамасы әзірлеп, құжатты ашық талқылауға шығарды.