Жыл соңында Қарағанды облысының жалпы өңірлік өнімі 1,3% өседі деп күтілуде

ҚАРАҒАНДЫ. ҚазАқпарат - Қарағанды ​​облысы аймақ экономикасын дамытуда оң нәтиже көрсетуде, деп хабарлайды ҚазАқпарат тілшісі облыстық әкімдікке сілтеме жасап.

Облыс әкімінің бірінші орынбасары Асылбек Дүйсебаевтың төрағалығымен өткен аймақтық жиналыста 2017 жылға жоспарланған экономикалық өсім көрсеткіштері талқыланды.

 «2016 жылдың қорытындысы бойынша жалпы өңірлік өнім жоспарланған деңгейде - 1,3% өседі деп күтілуде. Түрлі бағыттар бойынша экономика салаларының даму серпіні байқалуда», - делінген хабарламада.

 Облыс аймақтарында 2015 жылдан бері экономикалық өсімді қамтамасыз ету бойынша жоспарлар жасалуда. Қалалар мен аудан әкімдері жоспарланған көрсеткішке қол жеткізу үшін жеке басымен жауапты болады.

«2016 жылдың 9 айы бойынша, Өнеркәсіп өндірісінің физикалық көлемі индексі 105,2% құрады (1,3 трлн. теңге). Бұл республика бойынша бірінші орын. Ауыл шаруашылық жалпы өнім көлемі 104,8% құрайды (161,2 млрд. теңге). 271,7 мың шаршы метр тұрғын үй қолданысқа берілді, - деп атап өтті А. Дүйсебаев. - 2017 жылы жалпы өңірлік өнім көлемі 1,8% (3,5 трлн. теңге) өседі деп болжануда. Өнеркәсіп, құрылыс, инвестициялар және ауыл шаруашылығы көлемінің өсуі күтілуде».

Әкімнің бірінші орынбасары екі аптада 2017 жылға экономикалық өсімді қамтамасыз ету жөніндегі шаралар жоспарын бекітуді тапсырды.