Жылжымайтын мүлік нысаны мекенжайын анықтау туралы анықтаманы берудің жаңа қызметі іске қосылды

АСТАНА. ҚазАқпарат - Жылжымайтын мүлік объектісі мекенжайын анықтау жөніндегі анықтаманы берудің жаңа қызметі енді egov.kz электрондық үкімет порталында қолжетімді.

Бұл туралы «Ұлттық ақпараттық технологиялар» АҚ баспасөз қызметінен хабарлайды.

Мұндай анықтама әдетте мекенжайы өзгерген жылжымайтын мүлікпен мәмілені ресімдеу үшін мысалы көше атауы өзгергенде талап етіледі.

Аталған қызмет «Ақпараттық Қазақстан-2020» мемлекеттік бағдарламасы аясында іске қосылды. Қызметті «Жылжымайтын мүлік» санатында табуға болады. Портал арқылы оны алу өте қарапайым, тіпті электрондық цифрлық қолтаңба да талап етілмейді. Өтініш беруші egov.kz-та авторланады, ал сонан соң өтінішті толтырып, электрондық нысанға жөнелтуі тиіс. Бұл қызмет тегін көрсетіледі.

Сұрау небәрі 15 минут ішінде өңделеді. Бұдан кейін пайдаланушының жеке кабинетінде қызметтің көрсетілу нәтижесі - жылжымайтын мүлік объектісінің мекенжайы көрсетілген анықтама қолжетімді. Міне, осылайша, берілген электрондық анықтама талап етілетін жері бойынша ұсынуға дайын.

Айта кетейік, Е-анықтама Қазақстан Республикасының заңнамасына сәйкес қағаз нұсқасындағы құжаттың баламасы болып табылады.