АСТАНА. KAZINFORM - Таиланд корольдігінің Чиангмай қаласында бокстан ерлер және әйелдер арасында өтіп жатқан Азия чемпионатында Аида Әбікеева финалға жолдама алды.
А.Әбікеева 63 келіге дейінгі салмақта таиландтық Тхананя Сомнуекпен қолғап түйістірді.
Аида жекпе-жек тізгінін бірден қолға алып, бір төрешінің бүйрегі жергілікті боксшыға ауғанымен, айқын басымдық танытты. Бірінші раундта тіркелген 4:1 есебі сақталып қалды.
Осылайша, Виктория Графеевадан кейін Аида Әбікеева да соңғы сында алтын үшін шаршы алаңға шығатын болады.
Еске сала кетейік, бұдан бокстан Азия чемпионатында Әйгерім Сәттібаеваның қола жүлдегер атанғанын жазған болатынбыз.
Виктория Графеева қарсыласын нокаутпен ұтты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).