АҚШ-та теннистен WTA қорытынды турнирі мәресіне жетті

АСТАНА. KAZINFORM — Индиан-Уэллсте (АҚШ) теннистен WTA қорытынды турнирінің жеңімпаздары анықталды.

Фото: Pixabay

Жекелей сында әлемнің 3-ракеткасы, 2026 жылғы Ролан Гаррос турнирінің чемпионы, ресейлік, 19 жастағы Мирра Андреева финалда рейтингіде 6-орындағы украиналық Элина Свитолинаны 7:5, 6:3 есебімен жеңді.

Осылайша, М.Андреева спорттық жолында алғаш рет WTA қорытынды турнирінің чемпионы атанды.

Әлемдік рейтингіде 2-орынға көтерілген ресейлік теннисші биылғы маусымдағы жеңіс санын 55-ке жеткізіп, бұл көрсеткіш жөнінен қазақстандық Елена Рыбакинаны (54) басып озды.

Өткен жылғы чемпион Е.Рыбакинаның денсаулығына байланысты қорытынды додадан тыс қалғаны белгілі.

Индиан-Уэллсте жұптық сында америкалық Тэйлор Таунсенд пен чехиялық Катержина Синякова топ жарды. Олар соңғы бәсекеде италиялықтар Сара Эррани – Жасмин Паолиниді тізе бүктірді – 6:4, 6:3.

Еске сала кетейік, бұдан бұрын Жібек Құламбаеваның Колумбиядағы турнирдің чемпионы атанғанын жазған едік.

Сондай-ақ теннисші Асылжан Арыстанбекова Түркиядағы жарыста үздік шықты.

WTA қорытынды турнирінде бас жүлдеге таласатын теннисшілер белгілі болды.

Теннисші Асылжан Арыстанбекова Түркиядағы жарыста үздік шықты.