АСТАНА. ҚазАқпарат - Бүгін футболдан Премьер-лига командалары арасындағы ел біріншілігінің 10-турында «Ақтөбе» мен «Каспий» тең түсті, деп хабарлайды ҚазАқпарат тілшісі.
Ақтөбелік клуб биыл жүлделі орынға үміткер саналады. Сондықтан әрбір ойында жеңіске жетуге күш салып отыр.
Кездесу барысында командалар тартысты ойын өткізді. Дегенмен бір-бірінің қақпасынан саңылау таба алған жоқ.
Осылайша командалар 0:0 есебіне қанағат білдірді.
Айта кетсек, бұдан бұрын «Тобыл» «Мақтаралдан» 1:0 есебімен басым түсті.
Сондай-ақ, «Қайсар» сырт алаңда «Қайратты» жеңді.
Еске салсақ, 20 мамырда «Жетісу» өз алаңында «Атыраудан» 0:3 есебімен жеңілді.
Ал «Шахтер» «Ақсуды» - 2:1, «Астана» «Қызылжарды» 3:2 есебімен тізе бүктірді.
Дәл қазір «Ордабасы» (Шымкент) мен «Оқжетпес» (Көкшетау) кездесуі өтіп жатыр. Әзірге 1:0 есебімен шымкенттік клуб алда келеді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.