АҚТӨБЕ. ҚазАқпарат - Ақтөбеліктер тіркелмеген қаруларын тапсырып жатыр. Облыстық ІІД жыл басынан бері 180 қаруды 9 миллион теңгеге сатып алды, деп хабарлайды ҚазАқпарат тілшісі.
Ақтөбеде қару сатып алу акциясы жалғасып жатыр. Тіркелмеген атыс қаруын, оқ-дәрі, жарылғыш зат сатып алу шарасы кезінде 181 бірлік қару тапсырылды.
«Биыл 18 ойық, 159 тегіс ұңғылы қару сатып алынды. Травматикалық қару да бар. Оқ-дәрі саны 400-ден асты. Қару сатып алу жұмыстарына республикалық бюджеттен 9 миллион теңге бөлініп, қаржы толық игерілді»,- деп хабарлады Ақтөбе облыстық ІІД баспасөз қызметі.
Айта кетейік, 2013-2016 жылдары аралығында ақтөбеліктер 2300-ден қару-жарақ тапсырылды. Жарылғыш зат, оқ-дәрілер мен қару сатып алуға 112 миллион теңгеден астам қаржы жұмсалды.
Алтынай Сағындықова
2001-2006 ж.ж. Қ.Жұбанов атындағы Ақтөбе мемлекеттік университетін тәмамдады. Мамандығы - журналист. Еңбек жолын 2006 жылы "Kerek.info" қоғамдық-ақпараттық газетінен тілші болып бастап, шеф-редактордың орынбасары, шеф-редактор болды. Әртүрлі жылдары "Айқын" қоғамдық-саяси газеті, Bnews.kz, Aktobenews.kz тілші қызметін атқарды. 2017 жылдан бастап Kazinform агенттігінің Ақтөбе облысындағы меншікті тілшісі.