АҚТӨБЕ. KAZINFORM - Ақтөбе қаласында аялдамада автобус күтіп тұрған үш адам ауруханаға түсті. Олардың үстіне әйнектің бір бөлшегі түсіп кетті.
Оқиға Ақтөбе қаласы Әлия Молдағұлова даңғылы бойындағы «Алтын квартал» аялдамасында болды. Әйнектен жасалған аялдама павильонына жарнама іліп жатқан кезде шыны шытынап кетті.
— Аялдаманың әйнек бөлшегі адамдардың үстіне құлаған. Үш әйел ауруханаға жеткізілді. Жұмысына салғырт қарап, сапасыз қызмет көрсету, қауіпсіздікті ескермеу дерегі бойынша тергеу басталды, — деп хабарлады Ақтөбе облыстық ПД баспасөз қызметінің жетекшісі Ерболат Сарқұлов.
Алтынай Сағындықова
2001-2006 ж.ж. Қ.Жұбанов атындағы Ақтөбе мемлекеттік университетін тәмамдады. Мамандығы - журналист. Еңбек жолын 2006 жылы "Kerek.info" қоғамдық-ақпараттық газетінен тілші болып бастап, шеф-редактордың орынбасары, шеф-редактор болды. Әртүрлі жылдары "Айқын" қоғамдық-саяси газеті, Bnews.kz, Aktobenews.kz тілші қызметін атқарды. 2017 жылдан бастап Kazinform агенттігінің Ақтөбе облысындағы меншікті тілшісі.