АҚТӨБЕ. ҚазАқпарат - Ақтөбеде 30 жастағы қоғамдық көлік жүргізушісін пышақтаған күдікті ұсталды. Қылмыстық кодекстің «Бұзақылық» бабы бойынша тергеу басталды, деп хабарлайды ҚазАқпарат тілшісі.
Еске сала кетсек, 17 мамыр күні кешкілік Ақтөбе қаласындағы №26 бағыт автобусының жүргізушісін жолаушы пышақтап кеткен болатын.
Бұған дейін хабарлағанымыздай, жүргізуші жедел ауруханаға жеткізіліп, жеңіл дене жарақатымен үйіне шығарылды.
Ақтөбе облыстық ІІД баспасөз қызметінің хабарлауынша, күдікті ұсталып, Сазды полиция бөлімі Қылмыстық кодекстің «Бұзақылық» бабы бойынша сот алды тергеу жұмыстарын бастады. Күдіктіні күзетпен ұстау түріндегі бұлтартпау шарасын санкициялауға өтініш беріліп, оны сот қанағаттандырды. Қазір күдікті уақытша тергеу изоляторыда отыр.
Алтынай Сағындықова
2001-2006 ж.ж. Қ.Жұбанов атындағы Ақтөбе мемлекеттік университетін тәмамдады. Мамандығы - журналист. Еңбек жолын 2006 жылы "Kerek.info" қоғамдық-ақпараттық газетінен тілші болып бастап, шеф-редактордың орынбасары, шеф-редактор болды. Әртүрлі жылдары "Айқын" қоғамдық-саяси газеті, Bnews.kz, Aktobenews.kz тілші қызметін атқарды. 2017 жылдан бастап Kazinform агенттігінің Ақтөбе облысындағы меншікті тілшісі.