Ақтөбеде боранда жолда қалған 131 адам жылыту бекетіне орналастырылды
АҚТӨБЕ. KAZINFORM – Ақтөбе облысында бірнеше аудан орталығына 131 адам жеткізіліп, жылыту бекеттеріне орналастырылды. Қазіргі кезде жолдар мен кемпингтерде 2 мыңнан астам көлік бар.
Фото: видеодан алынған кадр
Ақтөбе облыстық ТЖД боранға байланысты жолда қалған адамдар мен оларды құтқару жұмысын үздіксіз жүргізіп жатыр.
Фото: видеодан алынған кадр
Облыс аумағында 7 республикалық және 6 облыстық маңызы бар автокөлік жолдары жабық.
Қарғалы, Қобда, Әйтеке би, Алға ауданы орталықтарында 131 адам, оның ішінде 9 бала жылыту пунктіне орналастырылды.
— Сондай-ақ жолдар және кемпингтерде 2 мыңнан астам автокөлік бар. Қазіргі уақытта адамдарды эвакуациялау және автомобильдерді шығару бойынша авариялық-құтқару жұмысы жүргізіліп жатыр, — деп хабарлады облыстық ТЖД баспасөз қызметі.
2001-2006 ж.ж. Қ.Жұбанов атындағы Ақтөбе мемлекеттік университетін тәмамдады. Мамандығы - журналист. Еңбек жолын 2006 жылы "Kerek.info" қоғамдық-ақпараттық газетінен тілші болып бастап, шеф-редактордың орынбасары, шеф-редактор болды. Әртүрлі жылдары "Айқын" қоғамдық-саяси газеті, Bnews.kz, Aktobenews.kz тілші қызметін атқарды. 2017 жылдан бастап Kazinform агенттігінің Ақтөбе облысындағы меншікті тілшісі.